Opa, yo‘llaringga chaman yoyilsin, Garchi chamanlarga o‘zing bekasan. Opa, buloqlarga yuzing chayilsin, Garchi ruxsoringga buloq yuz chaygan. Bilaman, ta’rifing so‘zga sig‘maydi, Go‘zallik haqida gap sotmoq bekor. Dildagi husndan andoza olgan — Go‘zalliging qalbni etadi takror. Sen poklik bobida mulki farishta, Etagingni tavob etmoqqa arzir. Sen shamsi anvarsan, mohi sarishta, Oldingda taqdirning tog‘ kabi qarzi. Ta’rif — tavsiflarga zormassan garchi — Opa, asillikni ko‘rdim siymongda. Men seni sevaman bitta insoncha, Men seni saqlayman ohorli ongda.