Zo'rlab qiz uzatmoq-ku, aslida Mansab ilinjida yo ozru-havas. Yalpizni yulqilab ariq bo'yidan Toshloq yerga o‘tkazmoqdan bo‘lak narsamas... Ammo qaysi ota tan olgay buni, Tan olganida ham nima bu gunoh?.. O'zbeklarda ayb sanalar faqat Kelin yig‘lamasa to‘y kuni. Qadahlar jaranglar, qahqaha yangrar, (Tilni tiyolmaslik bunday payt yomon). Parvo qilmay ichaverasan sharob, Ko‘ksing ingrab tursa hamki yolg‘on deb, yolg‘on!.. Kecha raisining esa jag‘i tinmaydi, Hamdu sano aytib to‘ymaydi. Sevgi, vafo deydi... Sadoqat deydi, Chiranadi. Mikrofonni qo‘ldan qo‘ymaydi... Zo'rlab qiz uzatmoq bu aslida Mansab ilinjida izzattalab. Ariq bo'yidagi yalpizni yulib, Teleminoraga o‘tqazmoqday gap...